Желтоқсан айының 18-19 күндері облыстық Ғылыми жоба сайысы өткізілді. Мектеп-интернатымыздан 12 ғылыми жоба (7 командалық, 5 жеке жұмыс) жазылып, 3 бағыт бойынша өзара сайысқа түсті. Жоба тақырыптары  ғылыми-техниаклық прогресс, экономикалық өсудің негізгі буыны, экономикалық және әлеуметтік процесстерді  математикалық модельдеу, таза табиғи орта - Қазақстан 2050 стратегиясын іске асырудың негізі, Қазақстанның тарихи ескеткіштері және болашақ дамуы бар саяхат маршурттары атты бағыттары бойынша топтастырылды. Байқау қорытындысы бойынша 10 оқушымыз жеңіс тұғырынан көрінді.

Желтоқсан айының 8-12 күндері аралығында мектеп-интернатымызда «Болашақты нұрландырған – Тәуелсіздік» атты тарих апталығы болып өтті. Апталықтың мақсаты - ұлттық қасиетіміз бен ұлттық құндылықтарымызды ұлықтап, ұлттық намысымызды оятқан, әлемге қазақстандықтарды рухы биік, намысы берік халық ретінде - Тәуелсіздігіміздің беріктігін оқушыларға ұғындыра білу болды. Апталықтың ашылуы Елбасымыздың 2014 жылы  11 қазанда жолдаған «Нұрлы жол» бағдарламасынан үзінді, Қазақ хандығының тарихы, тәуелсіздік жылдарындағы Қазақстан туралы документалдық фильмдерде үзінді көрсетумен, сондай-ақ оқушылар апталықтың іс-шара жоспарымен таныстырылудан басталды. Апталық барысында ашық сабақтар,білім сайыстары, әр түрлі іс-шаралар өткізілді.