«Әуені бөлек бал ғұмыр» түлектер жобасының мақсаты – тұңғыш Президентіміз Н.Ә.Назарбаевтың «Рухани жаңғыру» бағдарламасы аясында ұсынылған «Туған жер» жобасын жүзеге асыруды көздейді. Атап айтқанда, «...туған жерлерін ұмытпай, оған қамқорлық жасағысы келген кәсіпкерлерді, шенеуніктерді, зиялы қауым өкілдері мен жастарды ұйымдастырып, қолдау керек. Бұл – қалыпты және шынайы патриоттық сезім, ол әркімде болуы мүмкін...» яғни, оқу-ағрту саласында мектеп түлектерімен байланысты нығайту керек. Оқушы жастардың бойына Отансүйгіштік қасиеттің дәнін себуіміз керек. Биылғы оқу жылынан бастап лицей-интернатта 28 қараша  күні «Түлектер күні» болып бекітілді. Мақсаты – арнайы «Түлектер ассоциациясы» қоғамдық бірлестігін құру. Міндеті: түлектердің лицей-интернат оқушыларының білім алуына, оқу-тәрбие үдерісінің дамуына өз үлестерін қосу, қолдау көрсету, алдыңғы толқын ретінде өскелең ұрпаққа сөзімен де, ісімен де үлгі көрсету. Жобадан күтілетін нәтиже: туған жерге, өскен ортаға, ұстазға деген құрметі жоғарылайды, өзі бағындырған белесімен өзгелерге үлгі бола алады.